Die Euwel van Selfverheffing

Lukas 14:7-11 Toe Jesus sien dat almal wat na die ete genooi was, naby die kop van die tafel probeer sit, het Hy hulle hierdie raad gegee: “As julle na ’n bruilof genooi word, moenie altyd die beste plek uitsoek nie. Wat as daar iemand belangriker as jy ook genooi is? Die gasheer sal sê: ‘Laat hierdie persoon asseblief hier sit.’ Dan sal jy met ’n rooi gesig opnuut moet plek soek – aan die end van die tafel! “Maak liewer so – sit aan die end van die tafel. Dan, wanneer die gasheer jou sien, sal hy kom en sê: ‘Vriend, ons het ’n beter plek as dit vir jou!’ Dan sal jy voor al die ander gaste vereer word; want die hoogmoediges sal verneder word, maar die nederiges sal vereer word.” (NLV) 

Ek weet nie van jou nie, maar vir my is selfverheffing een van die lelikste van alle menslike eienskappe. Ek dink mense wat hulself hieraan skuldig maak, is onseker van hulself. Sulke mense vestig graag aandag op hul eie belangrikheid, of hulle dra klere of besit motors wat van krag en sukses spreek.

Dit begin alles met 'n diep, onderbewuste oortuiging: Ek is die middelpunt van die heelal. Wie ek is, en wat ek wil hê, troef enigiets anders wat enigiemand anders wil hê. Mense soos daardie wil gesien word as die ‘hoofman’. Hulle wil ten alle tye uiterlike vertroue en sukses projekteer.

Geniet jy dit om saam met sulke mense tyd te spandeer? Dit neem nie lank om daardie vraag te beantwoord nie, of hoe?

Lukas 14:7-11 Toe Jesus sien dat almal wat na die ete genooi was, naby die kop van die tafel probeer sit, het Hy hulle hierdie raad gegee: “As julle na ’n bruilof genooi word, moenie altyd die beste plek uitsoek nie. Wat as daar iemand belangriker as jy ook genooi is? Die gasheer sal sê: ‘Laat hierdie persoon asseblief hier sit.’ Dan sal jy met ’n rooi gesig opnuut moet plek soek – aan die end van die tafel! “Maak liewer so – sit aan die end van die tafel. Dan, wanneer die gasheer jou sien, sal hy kom en sê: ‘Vriend, ons het ’n beter plek as dit vir jou!’ Dan sal jy voor al die ander gaste vereer word; want die hoogmoediges sal verneder word, maar die nederiges sal vereer word.” (NLV)

Wanneer ons ons oë van onsself afhaal, verander alles.

Dit is God se Woord. Vars … vir jou … vandag.