Kies jou Vriende Versigtig

Spreuke 26:24-25 Iemand wat in sy hart haat en bedrog koester, steek dit weg agter sy woorde. Wanneer so iemand mooi dinge sê, moet jy dit glad nie glo nie. Hy is vol bose bedoelings. (NLV) 

Het jy geweet dat jy nou 'n KI-vriend kan koop? Kan jy dit glo! 'n Kunsmatige intelligensiemaatskappy, "Replika," sal aan jou, en ek haal aan: ‘n KI-metgesel wat omgee; wat altyd bereid is om te luister en te praat; en wat altyd aan jou kant is, verkoop. Fantasties. Wat kan moontlik verkeerd loop?

Aan die eenkant is dit redelik slim, nè? Aan die anderkant, is dit darem vreeslik tragies dat 'n mens 'n rekenaarprogram vir vriendskap moet gebruik! 

Die beste manier om hierdie "KI-metgesel wat omgee", wat "altyd aan jou kant" is, te beskryf, is 'n valse vriend. Dit is nie ‘n werklike mens nie, dit maak nie saak hoe slim die tegnologie word nie. Maar weet jy, ons hoef nie te wag vir die koms van kunsmatige intelligensie om vals vriende te ontdek nie. Hulle bestaan al van ouds af.

Spreuke 26:24-25 Iemand wat in sy hart haat en bedrog koester, steek dit weg agter sy woorde. Wanneer so iemand mooi dinge sê, moet jy dit glad nie glo nie. Hy is vol bose bedoelings. (NLV)

Ek wonder nou, wanneer was jy deur 'n vals vriend mislei? Wat was die gevolge daarvan? Is jy gretig om die ervaring te herhaal? Ek glo nie jy is nie! Maar wees versigtig, hulle is steeds daar buite.

Vandag is daar ongetwyfeld nog, binne jou vriendekring, kollegas, kennisse en ongelukkig dalk selfs in jou familie, een of twee vals vriende - mense wie se sogenaamde “vriendskap” bloot 'n voorwendsel is om hul eie saak te bevorder; wie se vleiery net dien om hulle bedrog te verbloem. Wees versigtig vir daardie mense. Baie versigtig.

Wanneer so iemand mooi dinge sê, moet jy dit glad nie glo nie. Hy is vol bose bedoelings.

Dit is God se Woord. Vars … vir jou … vandag.